Recent Posts

Archive

Tags

尚無標記。

飲酒又關生仔事? 同柏金遜症有又關係?


今日係中秋節,先祝大家中秋節快樂!

喺呢個咁開心的節日,大家都會同屋企人一齊過,人月兩團圓嘛!最近睇到一篇外國的報導話原來你有幾多兄弟姊妹,除咗同你父母的安排有關係之餘,可能同飲酒都有關呀!

根據呢篇報導的內容話,一直以嚟都覺得飲酒係會影響到生育的。但係,呢個調椚查就訪問咗六千幾個年齡介乎21-45歲準備懷孕的女性,佢哋會將自己每星期飲酒的頻次同埋其他有關生育準備的資料都要紀錄。結果發現原來每星期飲14杯酒以下的女性,基本上喺懷孕基率上無特別影響,而每星期飲1-7杯酒的女性更加無證據顯示對懷孕率有影響。不過,每星期飲多過14杯酒的女性,就會比無飲酒女士們的懷孕率低18% ! 即係話,飲酒只要適量,其實就唔需太擔心會影響到生育的,不過,講明先呀,酗酒唔計架,我哋都唔希望大家有酗酒的習慣。

講完生仔,咁又關柏金遜症咩事呢?係咁的,另外又有研究指出原來專業品酒師 (Sommelier) 腦部的內嗅皮層 (entorhinal cortexes) 係比一般人厚的,而且越有經驗的品酒師,呢一部分就越厚。研究指出有理由相信內嗅皮層變厚的原因係品酒師經年累月咁用呢個皮層去分析同記憶味道,導致腦部結構有所改變。負責呢個研究的神經心理學家希望由呢個發現開始研究,睇吓可唔可以通過一啲訓練,可以幫到柏金遜症(Parkinson's disease)或者係阿阿茲海默症(Alzheimer's disease)的病人,因為通常最早退化的就係嗅覺同記憶的部分。

其實飲酒唔過量,可以帶比大家一種享受之餘,仲可以從品酒的過程入面訓練吓自己個腦,聽落都唔錯丫,係咪?

再祝大家中秋節快樂,今晚飲多兩杯啦!

即刻想買酒?CLICK 呢條LINK 啦:GL 網店 -- 葡萄酒系列

資料來源: http://www.winespectator.com/webfeature/show/id/Health-Watch-Alcohol-Fertility-Inside-Sommeliers-Brains

  • Facebook Social Icon

90121852

©2017 by Gourmet Life Ltd