平價版香檳 = Prosecco？

今年香檳區葡萄收成大跌，就連新聞都有報導，好似印象中香港新聞唔係點報導有關葡萄酒新聞，搞到今次失收好大件事咁喎！其實，香檳生產商係有儲備的，加上香檳一般唔寫年份(NV, Non-Vintage)，所以可以用之前儲落的酒去做今年的香檳去應付市場需求。不過，人哋都講到明，因為全球需高持續上升，香檳係會繼續加價的。

一講到貴，我哋梗係想搵D性價比高的代替品啦，好多酒友第一時間會諗起Prosecco, Cava呢D 名，係正路的！不過，其實呢類酒又係唔係只係”平價版香檳” 呢？今日就同大家分享吓Prosecco 的特點啦！

Prosecco 原本唔係一個產區的名，而係用嚟釀酒的葡萄品種，不過為咗識別Prosecco 呢種酒同埋用佢嚟做法定產區的名，Glera 就用嚟代替咗Prosecco，作為釀造Prosecco 原材料的葡萄名稱。不過，Prosecco 又唔一定只用Glera造，可以用其他品種，例如Chardonnay 同Pinot Gris，但Glera 就肯定係最主要的葡萄品種。

Prosecco 呢個意大利的法定產區(DOC)，喺2009年之後仲有埋DOCG級別(DOCG Conegliano-Valdobbiadene)。其實以級別嚟講，簡單D，就係DOCG 高級D，因為呢個級別的葡萄必須來自Conegliano-Valdobbiadene的山區，而且亦有搵到用傳統香檳製法的Prosecco。

Photo credit: Conegliano Valdobbiadene Prosecco Superiore

Prosecco 最為大家熟悉的特點係：果香、氣泡、清爽、易飲。不過，其實佢都有分為Spumante (氣泡型)、Frizzante (微泡型)同埋Tranquillo (非氣泡型)，所以唔好話Prosecco 就係一定氣泡酒呀！

Prosecco 同香檳最大分別係在於釀造過程(Charmat Method)，佢的二次發酵(即係產生氣泡的過程)係喺大鋼桶入面進行，而唔係喺酒樽入面(用香檳製法Prosecco除外)，所以可以更大程度咁保留到果香，而且成本較低。果香濃郁，價錢相宜的特質，令到Prosecco廣受歡迎，2013年全球銷量更加超過香檳，成為最暢銷的氣泡。

Gourmet Life 最近都為大家搵到來自意大利的Prosecco (DOC 同DOCG 都有)、Organic Prosecco同埋其他類型的氣泡酒！快D click 下面幅入去揀啦！

想睇多啲我哋的葡萄酒系列，CLICK 呢條LINK 啦：GL 網店—葡萄酒系列